Կենտրոնի նորություններ
Press Conference on the Commencement of Regional Master Programme PDF Տպել

On 26 May 2011 the Centre for European Studies organized a press conference on the commencement of the grant programme on “Regional Master’s Programme in Human Rights and Democratization in Armenia, Belarus, Moldova and Ukraine”. This programme is established by the grant provided by the European Instrument for Democracy and Human Rights. All interested students and media representatives attended the event, including Public Armenian Television, Armenia TV, Aravot daily, Slaq.am, Aysor.am, Panarmenia new agency, etc.

During the press conference Mr. Artur Ghazinyan, the director of the YSU Centre for European Studies and Project Director of the “Regional Master’s Programme in Human Rights and Democratization” presented the MA programme and answered to the raised questions. The Programme experts also delivered a presentation, where they profoundly explained the MA programme, its admission requirements and selection procedure.

“The Regional Master’s Programme in Human Rights and Democratization in Armenia, Belarus, Moldova and Ukraine” covers the Eastern Partnership Region and is one of 6 Regional Master’s Programmes in Human Rights and Democratization worldwide, established with the support of the European Commission. The total amount of the grant is 1.276.000 and the duration of the project is 3 years.

This Master’s Programme is offered by four leading universities in the Eastern Partnership Region: Yerevan State University, Taras Shevchenko National University of Kyiv, Belarusian State University, University of European Political and Economic Studies (USPEE) in Moldova.

The Regional Master’s Programme in Human Rights and Democratization was officially launched in October 2010. Programme admission started on 10 May 2011. Classes will commence in September 2011.

For detailed information about the programme structure, curriculum, course syllabi and the events, please visit our website www.regionalmaster.net or call (+374 10) 550810, 576326.

 
Մասնագիտական հմտությունների զարգացման սեմինար PDF Տպել

IMG_0147

Իր հիմնադրման պահից ի վեր, Եվրոպական ուսումնասիրությունների կենտրոնը շարունակաբար համագործակցություն է հաստատում տարբեր համալսարանների և դասախոսների հետ, ովքեր հետաքրքրված են ամրապնդել և զարգացնել կենտրոնի կարողությունները: Որպես հավաստիք Եվրոպական ուսումնասիրությունների կենտրոնը վերջերս ամուր համագործակցություն հաստատեց Մեծ Բրիտանիայի Էսսեքսի համալսարանի Մարդու իրավունքներ կենտրոնի հետ: Պատմական գիտությունների դոկտոր` Ռ. Շուլցը, ով հանդիսանում է Պատմության ֆակուլտետի դեկանը և Էսսեքսի համալսարանի Մարդու իրավունքներ կենտրոնի գործընկերը, Մայիսի 28-ին այցելեց Եվրոպական ուսումնասիրությունների կենտրոն:

 

Դոկտոր Շուլցի իրականացրած վերապատրաստման նպատակն էր ներկայացնել արևմտյան կրթական չափանիշները և զարգացնել դրանց ներդրման հնարավորությունները Եվրոպական ուսումնասիրությունների կենտրոնի մագիստրոսական ծրագրերում: Վերապատրաստումն ուղեկցվեց կարճատև դասախոսությամբ և խմբային քննարկումով: Դոկտոր Շուլցը անդրադարձավ բարձրագույն կրթության ոլորտում արևմտյան լավագույն փորձի ներդրման կարևորությանը` մատնանշելով որակյալ ուսումնական պլանի և առարկայական ծրագրերի մշակումը, մասնագիտական և անհրաժեշտ գրականության տրամադրումը, ինչպես նաև յուրաքանչյուր դասընթացի յուրահատկությունների ընդգծումը: Իր ելույթում նա նաև մատնանշեց համատարած արտագրությունների (պլագիատ) բացասական հետևանքները և կարևորեց արդար կրթության և որակյալ մասնագետների դերը ժամանակակից աշխարհում: Առաջարկելով օգտակար խորհուրդներ և լուծումներ վերոհիշյալ խնդիրների շուրջ` նա խրախուսեց դասախոսական կազմին մշակել և զարգացնել   արևմտյան չափորոշիչներին համապատասխան հետազոտությունների իրականացման դերը:

Այսպիսով, ընդգրկելով միջազգային մասնագետների և հաստատելով համագործակցություն բարձր վարկանիշ ունեցող ուսումնական հաստատությունների հետ, Եվրոպական ուսումնասիրությունների կենտրոնը շարունակում է բարելավել և զարգացնել իր կարողությունները:
 
Մամլո Ասուլիս PDF Տպել

IMG_0136_1

 

2011թ. Մայիսի 26-ին, ժամը 15.00-ին, Եվրոպական ուսումնասիրությունների կենտրոնը ԵՊՀ Ռոբերտ Շումանի անվան դահլիճում կազմակերպել էր մամլո ասուլիս, որը նվիրված էր Ժողովրդավարության և մարդու իրավունքների եվրոպական գործիքի կողմից տրամադրած դամաշնորհով հիմնադրված «Մարդու իրավունքներ և ժողովրդավարացում տարածաշրջանային մագիստրոսական ծրագրի» ընդունելությանը: Նշենք, որ ընդունելության վերջնաժամկետը մայիսի 31-ն է: Ասուլիսին մասնակցում էին բոլոր հետաքրքրված լրատվամիջոցները և ուսանողները:

Ասուլիսին մասնակցում էին Երևանի պետական համալսարանի Եվրոպական ուսումնասիրությունների կենտրոնի տնօրեն, «Մարդու իրավունքներ և ժողովրդավարացում» տարածաշրջանային մագիստրոսական ծրագրի ղեկավար Արթուր Ղազինյանը, ԵՊՀ դասախոսները և աշխատակիցները:

«Հայաստանում, Բելառուսում, Մոլդովայում և Ուկրաինայում Մարդու իրավունքներ և ժողովրդավարացում» տարածաշրջանային մագիստրոսական ծրագիրը հանդիսանում է Եվրոպական հանձնաժողովի աջակցությամբ աշխարհի տարբեր երկրներում հիմնադրված «Մարդու իրավունքներ և ժողովրդավարացում» տարածաշրջանային մագիստրոսական ծրագրերից թվով 6-ը, որը ներառում է ԵՄ Արևելյան գործընկերության տարածաշրջանը: Դրամաշնորհի ընդհանուր արժեքն է 1.276.000 Եվրո, իսկ գործողության ժամկետը 3 տարի:

Սույն մագիստրոսական ծրագիրն իրականացվում է Արևելյան գործընկերության մասնակից չորս պետությունների առաջատար համալսարանների կողմից` Երևանի պետական համալսարան (համակարգող), Տարաս Շևչենկոյի անվան Կիևի ազգային համալսարան, Բելառուսի պետական համալսարան, Մոլդովայում եվրոպական քաղաքական և տնտեսական հետազոտությունների համալսարան (USPEE):

«Մարդու իրավունքներ և ժողովրդավարացում տարածաշրջանային մագիստրոսական ծրագիրը» պաշտոնապես հիմնադրվել է 2010թ. հոկտեմբերին: 2011թ մայիսի 10–ից սկսվել է մագիստրոսական ծրագրի ընդունելությունը, իսկ սեպտեմբերին կմեկնարկի ուսումնական տարին:

Ծրագրի կառուցվածքի, ուսումնական պլանի, առարկայական ծրագրերի, ինչպես նաև ծրագրի շրջանակներում իրականացվող միջոցառումների մասին առավել ամփոփ տեղեկատվություն ստանալու համար խնդրում ենք այցելել www.regionalmaster.net էլ. կայքը կամ զանգահարել (+374 10) 550810, 576326 հեռախոսահամարներով:

IMG_0142 IMG_0143
 
“Եվրոպայի օրը” Երևանում PDF Տպել

 

IMG_3178

 

Եվրոպական միության կողմից հիմնադրված Եվրոպական ուսումնասիրությունների կենտրոնը հունիսի 21-ին մասնակցեց Սիրահարների այգում ԵՄ կողմից կազմակերպված “Եվրոպայի օրը” տոնակատարությանը: Նշենք որ տոնակատարությունը կրում էր ինչպես մշակութային, այնպես էլ կրթական բնույթ և նվիրված էր Եվրոպայի օրվան, որը տոնվում է ամբողջ աշխարհում: Բազմաթիվ կազմակերպություններ, հիմնադրամներ և կենտրոններ մասնակցելով փառատոնին` իրենց գործունեությունը, ձեռքբերումները, ինչպես նաև իրականացվող և իրականացվելիք ծրագրերը ներկայացրեցին այցելուներին: Ինչպես մասնակիցները, այնպես էլ այցելուները հնարավորություն ստացան նոր ծանոթություններ և համագործակցության հնարավորություններ հաստատել տարաբնույթ կազմակերպությունների հետ:

Եվրոպական ուսումնասիրությունների կենտրոնը Էրասմուս Մունդուս և ԴԱԱԴ միջազգային ճանաչում ունեցող ծրագրերի հետ միասին ներկայացրեց իր կողմից իրականացվող երկու մագիստրոսական ծրագրերը, որոնք են` Եվրոպական ուսումնասիրություններ ծրագիրը և Մարդու իրավունքներ և ժողովրդավարացում մագիստրոսական ծրագիրը: Այցելուները մեծ հետաքրքրություն ցուցաբերեցին եվրոպական կրթական չափանիշներին համապատասխանող մագիստրոսի կթություն ստանալու հնարավորության նկատմամբ: Մի շարք հարցեր հնչեցին կապված մագիստրոսական ծրագրերի և նոր կրթական հնարավորությունների հետ: Տոնակատարությունն ուղեկցվեց եվրոպական ազգերի բազմաբնույթ մշակութային բացահայտումներով, ինչպես նաև ինտելեկտուալ մրցույթներով:

 

 

IMG_3183 IMG_3205_1IMG_3191IMG_3239_1

IMG_3195IMG_3179_1

 
Թեզերի պաշտպանություն Եվրոպական ուսումնասիրությունների կենտրոնում PDF Տպել

IMG_0110

Եվրոպական ուսումնասիրությունների կենտրոնում այսօր տեղի ունեցավ Եվրոպական ուսումնասիրություններ մագիստրոսական ծրագրի շրջանավարտների թեզերի պաշտպանությունը: Նշենք նաև, որ այս ուսանողները հանդիսանում են Եվրոպագիտություն որակավորման առաջին շրջանավարտները Հայաստանում:

Համաձայն ընդունված կարգի, շրջանավարտներն իրենց ավարտական աշխատանքները պաշտպանեցին խորհրդի առջև, որը նախագահում էր Արտաքին գործերի փոխնախարար Կարինե Ղազինյանը: Խորհորդի անդամների դերում հանդես եկան այնպիսի նշանակավոր մասնագետներ, ինչպիսիք են Եվրոպական և միջազգային իրավունքի ամբիոնի վարիչ Վիգեն Քոչարյանը, ինչպես նաև Աշոտ Ալեքսանյանը, Վլադիմիր Մարտիրոսյանը և Արմեն Բայբուրթյանը:

Շրջանավարտների կողմից ներկայացված թեզերը համապատասխանում են մասնագիտական բարձր չափանիշներին և ընդգրկում են այնպիսի թեմաններ, որոնք հարում են նաև Հայաստանի արտաքին քաղաքականությանը և Եվրոպական ինտեգրմանը: Ավարտական աշխատանքները ներառում են ոլորտներ, որոնք վերաբերում են ԵՄ քաղաքականությանը Հարավային Կովկասում, ԵՄ-ՆԱՏՕ հարաբերություններին, ԵՄ էներգետիկ անվտանգությանը և այլն:

Յուրաքանչյուր թեզի պաշտպանությանը հաջորդեց քննարկում հարցերի և պատասխանների ձևաչափով:

Պաշտպանության ավարտին Եվրոպական ուսումնասիրությունների կենտրոնը հյուրընկալեց ընդունելություն Խորհրդի անդամների և ուսանողների մասնակցությամբ:

 

IMG_0109 IMG_0125 IMG_0126

 
Դասախոսություն` Գերմանիայի անտաքին քաղաքականությունը Հավավային Կովկասում թեմայով PDF Տպել

 



IMG_3

Հունիսի 12-ին ԵՊՀ Եվրոպական ուսումնասիրությունների կենտրոնը հյուընկալեց Գերմանիայի Արտաքին գործերի նախարարության Արևելյան Եվրոպայի, Կովկասի և Կենտրոնական Ասիայի հարցերով հատուկ հանձնակատար Պատրիսիա Ֆլորին, ով հանդես եկավ դասախոսությամբ:

 

Դասախոսությունը նվիրված էր Գերմանիայի քաղաքականությանը Հարավային Կովկասում: Պ. Ֆլորը համոզմունք հայտնեց, որ նմանօրինակ հանդիպումները ստեղծում են նպաստավոր մթնոլորտ տարածաշրջանային մարտահրավերների, տարածաշրջանի զարգացման գործընթացում Գերմանիայի և Եվրոպական Միության դերի մասին քննարկումներ իրականացնելու համար:

 

 

Տիկին Ֆլորի ընկալմամբ` Հայաստանը եվրոպական արժեքներ ունեցող երկիր է: Նա վստահություն հայտնեց, որ տնտեսական և քաղաքական բարեփոխումները, ժողովրդավարական ինստիտուտների և մարդու իրավունքների պաշտպանության ամրապնդումը, կխթանեն Հայաստանի եվրաինտեգրման գործընթացը: Պ. Ֆլորը նշեց նաև, որ Եվրոպայի դռները միշտ բաց են Հայաստանի համար: Իր դասախոսության ավարտին նա անդրադարձավ նաև ԵՄ` տարածաշրջանի զարգացմանն ուղղված ծրագրերից մեկին, որում ընդգրկված է նաև Հայաստանը: Դասախոսությանը հաջորդեց քննարկում, որի ընթացքում անդրադարձ կատարվեց Լեռնային Ղարաբաղի հիմնախնդրին, Հայաստանի և Թուրքիայի կողմից ստորագրված արձանագրություններին, տարածաշրջանային հակամարտությունների կարգավորման գործընթացում Եվրամիության ներգրավվածությանը, ինչպես նաև քննարկվեցին ԵՄ էներգետիկ շահերը տարածաշրջանում: Տկն Ֆլորը ողջունեց ուսանողության կողմից հնչեցրած հարցերը և իր տեսակետները վերոհիշյալ հարցերի շուրջ: Եվրոպական ուսումնասիրությունների կենտրոնի փոխտնօրեն Վ. Մարտիրոսյանը շնորհակալություն հայտնեց Պ. Ֆլորին հետաքրքիր դասախուսության համար:

 

IMG_2  IMG_1
 
Լոնդոնի ամառային դպրոցները հայտարարում են ընդունելություն հայ ուսանողների համար PDF Տպել

 

ԵՊՀ Եվրոպական ուսումնասիրությունների կենտրոնի Ռոբերտ Շումանի անվան դահլիճում, մայիսի 10-ին տեղի ունեցավ հանդիպում Ռիջենթ քոլեջի ներկայացուցիչ պարոն Սթիվ Ֆիլլիպսի հետ: Հանդիպման ընթացքում Ս.Ֆիլլիպսը ներկայացրեց Լոնդոնում ամառային դպրոցներում ուսանելու լայն հնարավորությունները, որոնց շնորհիվ ուսանողները ձեռք են բերում ոչ միայն անգլերենի խորը գիտելիքներ, այլև հնարավորություն են ստանում ծանոթանալ անգլիական մշակույթին, կրթական համակարգին, կիսվել իրենց գիտելիքներով և փորձով:

Հանդիպմանը ներկա էին տարբեր ուսումնական հաստատություններից ուսանողներ, որոնք մեծ հետաքրքրություն ցուցաբերեցին ներկայացված ծրագրերի նկատմամաբ: Ս.Ֆիլլիպսը առավել մանրամասնությամբ ներկայացրեց Ռիջենթ քոլեջի ամառային ծրագրերը, որոնք նախատեսված են 16-21 տարեկան երիտասարդների համար: Դասընթացների տևողությունը կազմում է երկու շաբաթից մինչև ութ շաբաթ` շաբաթական 15 դասաժամ: Դասընթացները վճարովի են: Դասընթացներն ավարտելուն պես ուսանողներին տրվում են համապատասխան հավաստագրեր: Ծրագիրը հոգում է ուսանողների բնակարանային կարիքները, ապահովում է ուսումնական գործընթացի համար անհրաժեշտ գրականությամբ և նյութերով:

Հանդիպումն անցավ աշխատանքային ջերմ մթնոլորտում, ինչին հաջորդեց բուռն քննարկումը: Ս.Ֆիլլիպսը հույս հայտնեց, որ հայ ուսանողները կօգտագործեն նման հնարավորությունը` իրենց հմտություններն ու փորձը զարգացնելու նպատակով:

Նշենք նաև, որ առաջիկայում ակնկալվում է ԵՊՀ-ում ստեղծել կենտրոն, որի գործունեությունն ուղղված կլինի ուսանողությանը նմանօրինակ հնարավորություններին հաղորդակից դարձնելուն:
 
Ակադեմիական ցանցի խթանում համագործակցության ճանապարհով PDF Տպել

 

IMG_0101

 

Ապրիլի 22-ին, 2011թ., Եվրոպական ուսումնասիրություններ կենտրոնում տեղի ունեցավ պաշտոնական հանդիպում Եվրոպական ոսումնասիրություններ կենտրոնի տնօրեն Արթուր Ղազինյանի և Գումիլևի անվան Եվրասիական պետական համալսարանի Եվրոպական տեղեկատվության կենտրոնի տնօրեն տիկին Ակբոտա Ժոլդասբեկովայի միջև: Հանդիպման ընթացքում քննարկվեցին տարաբնույթ հարցեր, մասնավորապես երկու կենտրոնների միջև համագործակցության եզրեր գտնելու վերաբերյալ: Երկու կողմերն էլ ոչ միայն դրական են վերաբերվում, այլև կարևորում են ուսանողների փորձի փախանակման ծրագրերի իրականացումը: Ըստ պարոն Ղազինյանի, դա հնարավորություն կընձեռի ուսանողներին ծանոթանալ նոր մշակույթի և մարդկանց հետ, ինչպես նաև ձեռք բերել նոր գիտելիքներ և կարողություններ, որոնք հետագայում ուղղված կլինեն ուսանողների մասնագիտացմանը:

IMG_0100

Տիկին Ակբոտա Ժոլդասբեկովան և պարոն Ղազինյանը չբացառեցին նաև մասնագետների և երկու կենտրոնների աշխատակիցների կողմից հետազոտական այցերի հնարավորությունը: Վերջիններս ուղղված կլինեն երկարաժամկետ նպատակների իրականացման հնարավորությունների ուսումնասիրմանը և կհանդիսանան ամուր համագործակցության հիմք:

 
«ՍկիզբՆախորդ12345ՀաջորդՎերջ»

JPAGE_CURRENT_OF_TOTAL